NLCS's recent achievement- Efficient land governance towards better service delivery

རྒྱལ་ཡོངས་ས་ཆ་ལྷན་ཚོགས།

འཇོན་དྲགས་ཅན་གྱི་ ས་ཆ་བདག་སྐྱོང་དང་འཛིན་སྐྱོང་འདི་ མཁོ་གལ་ཅན་ཅིག་ ཨིན་མི་དེ་ཡང་ 

ས་ཆ་དེ་བཟོ་གྲྭ་ཐོན་སྐྱེད་ཀྱི་དོན་ལུ་ ངེས་པར་མཁོ་བའི་ རྒྱུ་རྐྱེན་གཙོ་བོ་གཅིག་ཨིན་པའི་ཁར་ རྒྱབ་ཁབ་ཀྱི་མི་སྡེ་དཔལ་འབྱོར་གོང་འཕེལ་གྱི་དོན་ལུ་ཡང་ མེད་ཐབས་མེདཔ་ཅིག་ཨིན། ས་གཞི་འདི་ ང་བཅས་རའི་ རིན་ཆེན་ནོར་བུ་ཨིན། སྤྱིར་བཏང་མི་སེར་གྱི་ ཕན་བདེ་་དང་དགའ་སྐྱིད་ཡང་ ས་གཞི་འདི་ལས་བརྟེན་ཏེ་ བྱུངམ་ཨིན། ས་ཆ་རྒྱུན་སྐྱོང་ལམ་ལུགས་དང་ ཚད་ཅན་གྱི་ས་གཞི་ཚུ་ སྤུས་དག་སྦེ་ ལག་ལེན་འཐབ་པ་ཅིན་ རྒྱལ་ཁབ་ཀྱི་སྲུང་སྐྱོབ་དང་རང་བཙན་ གནས་ཐབས་ལུ་ཡང་ཕན།

རྒྱུ་མཚན་དེ་ལས་བརྟེན་ ས་དང་འབྲེལ་བའི་ཞབས་ཏོག་ཚུ་སྔར་བ་ལྷགཔ་སྦེ་ ཡར་འཕར་གཏང་འཐབ་

ལུ་ ས་ཆ་རིག་པའི་གནས་སྡུད་ཀྱི་གཞི་རྟེན་ གསརཔ་ཟོ་ནི་དང་ ཁྲིམས་ལྡན་བཀོད་ཁྲམ་ཚུ་ ད་ལྟོ་ཡོད་པའི་ ཁྲིམས་ལུགས་ཚུ་དང་འཁྲིལ་ རྩ་བརྟན་བཟོ་ནི་དང་ གཞན་ཡང་ ཐབས་ཤེས་དང་དམིགས་པ་ གལ་གནད་ཅན་གྱི་སླ་ལས་

དང་པ

ས་ཆ་རིགས་པའི་བརྡ་དོན་སྲིད་བྱུས སྤྱི་ལོ་༢༠༡༨ ཅན་མ་འདི་ཨིན།

སྲིད་བྱུས་དེ་ནང་ ས་ཆ་རིགས་པའི་བརྡ་དོན་ཚུ་ ངེས་པར་དུ་ཚང་དགོ། སྤྱིར་བཏང་ སྲིད་བྱུས་དེ་གིས་ གཙུག་སྡེ་དང་ ཁྲིམས་མཐུན་གྱི་ གཞི་བཀོད་ཚུ་ གཞི་བཙུགས་འབད་ཞིནམ་ལས་ ས་ཆ་རིགས་པའི་བརྡ་དོན་ཚུ་ ཡུན་བརྟན་དང་ ཚུལ་མཐུན་འབད་ལག་ལེན་འཐབ་ནི་ལུ་རྒྱབ་སྐྱོར་འབད་དགོ། སྲིད་བྱུས་དེ་གིས་ ས་ཆ་རིགས་པའི་བརྡ་དོན་ཚུ་ སྔར་ག་ཨིནམ་སྦེ་བཞག་ནི་དང་ བརྡ་དོན་གསརཔ་འཚོལ་ནི་ ལག་ལེན་འཐབ་ནི་ དེ་ལས་ བརྗེ་སོར་འབད་ནིའི་ཐབས་རིགས་ཚུ་ཡར་དྲག་བཏང་དགོ། སྲིད་བྱུས་དེ་ སྤྱི་ལོ་༢༠༡༨་ སྤྱི་ཟླ་༧པའི་ནང་ འབྲེལ་ཡོད་ལས་སྡེ་ མང་རབས་ཅིག་དང་ གྲོས་བསྟུན་འབད་བའི་ཁར་ མཁས་རིག་གི་གྲོགས་རམ་ དེ་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ཆ་འཇོགས་འབད་བའི་རྗེས་སུ་ ལྷན་རྒྱས་ཞུང་ཚོགས་ཀྱི་ ངོས་ལེན་མཛད་གནང་ཡི།

གཉིས་པ།

རྒྱལ་ཡོངས་ས་ཆ་འཆང་སྤྱོད་བཅད་མཚམས།

རྒྱལ་ཁབ་ནང་ལུ་ བཟའ་སྤྱོད་འབད་བཏུབ་པའི་ས་ཆ་ ཚད་ཅིག་ལས་མེད་རུང་ དེ་ཚུ་མཁོ་འདོད་བཀོད་མི་ དོ་འགྲན་ཅན་གྱི་ གཙུག་སྡེ་མ་འདྲཝ་ལེ་ཤ་མཐོན་དོ་ཡོདཔ་ལས་ རྒྱལ་ཡོངས་ས་ཆ་འཆང་སྤྱོད་བཅད་མཚམས་དེ་ འཕྲལ་རང་ དགོས་མཁོ་ཆེ་བས། རྒྱལ་ཡོངས་ས་ཆ་འཆང་སྤྱོད་བཅད་མཚམས་དེ་གིས་ ཚན་རིག་གི་ཐབས་ལམ་ཚུ་ དང་ལེན་འབད་ཐོག་ལས་ ས་ཆ་བཟའ་སྤྱོད་གཅིག་མཚུངས་བཟོ་ཐབས་དང་ ས་ཆ་རིགས་པའི་བརྡ་དོན་གནས་སྡུད་ཀྱི་གཞི་བསྟོན་གསརཔ་བཟོ་ནི་ལུ་ཕན་པའི་ཁར་ གྲོས་ཆོད་བཏོན་ནའི་བྱ་རིམ་ཚུ་ནང་ཡང་ལྷན་ཐབས་འབདཝ་ཨིན།

རྒྱལ་ཡོངས་ས་ཆ་འཆང་སྤྱོད་ཅད་མཚམས་ལག་ལེན་ལམ་སྟོན་ སྤྱི་ལོ་༢༠༡༨ཅན་མ་འདི་ ལས་སྡེ་ཁག་

མ་འདྲཝ་ཚུ་ལས་ ཐབས་རིག་ཅན་གྱི་ མཁས་མཆོག་སྡེ་ཚན་ཚུ་གིས་ གསལ་བརྗོད་འབད་བའི་ཤུལ་ 

རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ཆ་འཇོག་འབད་ཡི།

གསུམ་པ

གནས་རིགས་སབ་དེབ་༢༠༡༨ཅན་མ།

འབྲུག་རྒྱལ་ཁབ་ཀྱི་ ཐུན་མོང་མ་ཡིན་པའི་ལམ་སྲོལ་ གནས་རྩ་ཅན་ སྲོལ་རྒྱུན་ས་ཁོངས་དང་ ཡ་མཚན་ཆེ་བའི་ ས་ཆ་ཚུ་གིས་ ས་ཁྲ་དང་བརྟག་ཞིབ་ལྡན་པའི་ཐོ་ཚུ་མེད་པའི་ཁར་ དེང་སང་དུས་ཀྱི་ཕོ་བསྒྱུར་དང་ མི་སྡེ་དཔལ་འབྱོར་གོང་འཕེལ་ མགྱོགས་དྲགས་འབད་འགྱོ་མི་ལས་བརྟེན་ གནས་དེ་ཚུ་ཉེན་ཁ་བྱུང་སྟེ་ཡོད།

རྒྱུ་མཚན་དེ་ལས་བརྟན་ རྫོང་ཁག་༢༠ཆ་ཉམས་ནང་ གནས་རྩ་ཅན་ཡོད་རིགས་ཡོད་ཚད་ཀྱི་ སབ་ཁྲ་ཁ་གསལ་ཚུ་ ས་ཆ་རིགས་པའི་བརྡ་དོན་གནས་སྡུད་ཀྱི་གཞི་རྟེན་གི་ཆ་ཤས་འབད་ དེང་སང་གི་འཕྲུལ་ཆས་ཚུ་ལག་ལེན་འཐབ་ཐོག་ བསྡུ་སྒྲིག་འབད་ཡོདཔ་ཨིན། དེ་གིས་གྲོས་ཆོད་བཏོན་ནའི་བྱ་རིམ་ལུ་ཡང་ཕན།

བཞི་པ།

ཁང་ཚན་སྤོ་སོར་ལམ་སྟོན་ སྤྱི་ལོ་༢༠༡༨ཅན་མ།

ད་ཚུན་ ཁྲོམ་ཚོགས་ཀྱི་ས་ཁོངས་མང་ཤོས་གཅིག་ནང་ ཁང་ཚན་སྤོ་སོར་གི་ བྱ་རིམ་ཚུ་དེང་སང་ ཕྲུལ་རིགས་ཀྱི་ཐོགས་ལས་ ཐབས་ཏེ་ཡོད། ད་རེས་ནངས་པ་ དུས་ཡུན་ཐུང་ཀུ་ཅིག་ནང་ ཁྲོམ་གྱི་ས་ཁོངས་རྒྱ་སྐྱེད་འགྱོ་བའི་ཁར་ ས་ཆའི་གནས་གོང་ཡང་མགྱོགས་དྲགས་སྦེ་ ཡར་འཛེག་དོ་ཡོདཔ་དང་ ཁང་ཚན་ཉོ་བཙོང་གི་གྱངས་ཁ་ཡང་ ལོ་བསྟ་ཞིན་དུ་ ཡར་སེང་འགྱོ་དོ་ཡོདཔ་ཨིན། དེ་འབདཝ་ལས་ ཁང་ཚན་སྤོ་སོར་བྱ་རིམ་ཚུ་ འཇོན་དྲགས་ཅན་ཅིག་འབད་བདག་སྐྱོང་འཐབ་ནི་དང་ ཁང་ཚན་བདག་དབང་དང་ཆ་མཐུན་པའི་ ས་ཆའི་ཐོབ་དབང་ཚུ་རྩིས་རིག་ཐབས་གཞི་ཐོག་ལས་བཏོན་ཐབས་ལུ་ ཁ་ཚན་སྤོ་སོར་གྱི་ལམ་སྟོན་ སྤྱི་ལོ་༢༠༡༨ཅན་མ་འདི་ གསར་བརྩམ་འབད་ཡོདཔ་ཨིན།

ལྔ་པ།

ས་ཆའི་ཉོགས་བསལ་ལམ་སྟོན་ སྤྱི་ལོ་༢༠༡༨ ཅན་མ།

སའི་བཅའ་ཁྲིམས་ སྤྱི་ལོ་༢༠༠༧ ཅན་མའི་ཧེ་མ་ ས་དང་འབྲེལ་བའི་རྩོད་རྙོག་ཚུ་ དྲང་ཁྲིམས་ལྷན་སྡེ་གིས་ གྲལ་གཏོགས་འབད་དེ་བསལ་ཡོདཔ་ཨིན་རུང་ དབང་ཚད་ཁྱབ་ཁོངས་ཀྱི་གནད་དོན་མང་རབ་ཅིག་ལས་བརྟེན་ ས་དང་འབྲེལ་བའི་རྩོད་རྙོག་མ་འདྲཝ་ཚུ་དང་ལཱ་འགན་ཚུ་ སོ་སོར་ཕྱེ་མ་ཚུགསཔ་ལས་ སའི་བཅའ་ཁྲིམས་བཟོ་བའི་ཤུལ་ དྲང་ཁྲིམས་ལྷན་སྡེ་དང་ རྒྱལ་ཡོངས་ས་ཆ་ལྷན་ཚོགས་གཉིས་ཀྱི་བར་ན་ མཉམ་འབྲེལ་ཞལ་འཛོམས་གནང་ཞིནམ་ལས་ སའི་བཅའ་ཁྲིམས་ཀྱི་གོང་དོན་ཚུ་དང་ ཆེ་མཐོའི་དྲང་ཁྲིམས་ལྷན་སྡེ་གི་ བཀའ་རྒྱ་ཚུ་ ལག་ལེན་འཐབ་སྟེ་ ས་ཆ་དང་འབྲལ་བའི་རྩོད་རྙོག་ཚུ་ མགྱོགས་དྲགས་འབད་བསལ་ནིའི་དོན་ལུ་ ས་ཆའི་ཉོགས་བསལ་ལམ་སྟོན་ སྤྱི་ལོ་༢༠༡༨ཅན་མ་དེ་གཞི་བཙུགས་འབད་ཡོདཔ་ཨིན།

དྲུག་པ།

ས་ཆ་གླར་སྤྱོད་བཅའ་ཡིག་དང་སྒྲིག་གཞི་ སྤྱི་ལོ་༢༠༡༨་ཅན་མ།

སྤྱི་ལོ་༢༠༠༩ ཅན་མའི་ ས་ཆ་གླར་སྤྱོད་བཅའ་ཡིག་དང་སྒྲིག་གཞི་ནང་ལུ་གལ་ཅན་གྱི་གནོད་དོན་ ལེ་ཤ་ཅིག་རང་མ་ཚུགས་པའི་ཁར་ ལག་ལེན་ལྟར་སྤྱོད་ཀྱི་ གདོང་ལེན་ཡང་བྱུང་ཡོདཔ་ཨིན། བཅའ་ཡིག་དང་སྒྲིག་གཞི་དེ་གིས་ གལ་ཅན་གྱི་མི་སྡེ་དཔལ་འབྱོར་གྱི་གནོད་དོན་མང་རབ་ཅིག་རང་ དོང་ལེན་འབད་མ་ཚུགས་པའི་གྲལ་ལས་ གཞི་བའི་མི་སྡེ་ལས་ཚོགས་དང་འབྲེལ་བའི་ གལ་གནད་ཅན་གྱི་གནད་དོན་དང་གནས་སྟངས་ཚུ་མ་ཚུགས་པས། དཔེར་ན་ མི་ངོམ་གཅིག་ལུ་ བཟའ་སྤྱོད་འབད་བཏུབ་པའི་ ཁྲམ་བཀོད་གྲུབ་པའི་ས་ཆ་ཅིག་ཡོད་ན་ ས་གནས་དེ་ཁར་ མི་ངོམ་དེ་ལུ་ རྒྱལ་ཁམས་ཀྱི་ས་ཆ་གླར་སྤྱོད་ཁར་ ཐོབ་དབང་མེདཔ་མ་ཚད་ གླར་སྤྱོད་གྱི་གདམ་ཁ་དེ་ཡང་ སྡེ་ཚན་ཡང་ན་ ལས་འཛིན་ཚུ་ལུ་བྱིན་དགོ། བཅའ་ཡིག་དང་སྒྲིག་གཞི་དེ་གིས་ གླར་སྤྱོད་དང་འབྲལ་བའི་ ལཱ་འགན་དང་ ངོས་ལེན་བྱ་རིམ དེ་ལས་དབང་ཆ་ཚུ་ཡར་དྲག་བཟོ་ནི་ལུ་ལྷན་ཐབས་འབདཝ་ཨིན།

བདུན་པ།

ཡོངས་འབྲེལ་ཐོག་ས་ཁྲལ་བཏབ་ནིའི་རིམ་ལུགས།་ BOLTS

ཡོངས་འབྲེལ་གྱི་རིམ་ལུགས་དེ་ གཞི་བཙུགས་འབད་དགོ་མི་དེ་ཡང་ ས་ཁྲལ་སྡུ་ལེན་དང་ བདག་སྐྱོང་

གཉིས་ ཡར་དྲག་བཏང་་ཐབས་དང་ སྤྱིར་བཏང་ རྒྱལ་ཁབ་ཀྱི་ས་ཁྲལ་ལམ་ལུགས་ཚུ་འཛིན་སྐྱོང་ཐབས་ནིའི་དོན་ལུ་ཨིན། 

རིམ་ལུགས་དེ་ གློག་རིག་ཡོངས་འབྲེལ་འཆར་འགོ་ https://bolts.nlcs.gov.bt:

ཐོག་ལས་ལག་ལེན་འཐབ་ཚུགས།

༡༽རིམ་ལུགས་ནང་འཛུལ་དགོ།

༢༽མི་ངོ་རང་རྐྱང་གི་ འཕྲུལ་རྟ་གུ་ཨེབ་དགོ། མི་ཁུངས་ངོ་སྤྲོད་ལག་ཁྱེར་གང་རུང་ཅིག་བཙུགས་པའི་

ཤུལ་ དེ་ནང་ཁྲམ་མཁོད་གྲུབ་པའི་ས་ཆ་ཀྱི་ཁ་གསལ་ སྟོན་འོང་།

༤༽ རང་གི་རྩིས་ཁྲ་ཡོད་པའི་ དངུལ་ཁང་གཅིག་གདམ་ཁ་རྐྱབ་སྟེ་ རྩིས་ཁྲ་ཨང་ཙུགས་དགོ། དེ་ལས་ 

ཐོ་བཀོད་ཡོད་མི་འགྲུལ་འཕྲིན་ནང་ལུ་ ཐེངས་གཅིག་ལག་ལེན་འཐབ་བཏུབ་པའི་ གསང་ཡིག་གཅིག་ 

འཐོབ་འོང་།

༥༽ གསང་ཡིག་དེ་ ལག་ལེན་འཐབ་སྟེ་ ས་ཁྲལ་བྱ་རིམ་གྱི་ཡིག་ཐོ་ཚུ ཤུལ་ལས་ལག་ལེན་གྱི་དོན་ལུ་ 

ཡོངས་འབྲེལ་རིམ་ལུགས་ནང་ལུ་ ལུས་འོང་།

བརྒྱད་པ།

གྲོང་སྡེའི་ ས་ཆ་སྤྲོད་ལེན་གྱི་ ཡོངས་འབྲལ་འཆར་སྒོ།

ལོ་ངོ་༢་དང་ཕྱེད་ཀྱི་རིང་ལུ་ ཁྲོམ་སྡེའི་ ས་ཆ་སྤྲོད་ལེན་རིམ་ལུགས་དེ་ལག་ལེན་འཐབ་དེ་ཡོདཔ་དང་ དེ་གིས་ཁྲོམ་ཚོགས་ཀྱི་ས་ཁོངས་དང་ སྡེ་རིམ་ ཀ་པའི་ ཁྲོམ་སྡེ་ཚུ་ནང་ ཁང་ཚན་དང་ ས་ཆ་ཉོ་རྩོང་གི་བྱ་རིམ་ཚུ་ ཡོངས་འབྲལ་ཐོག་ འཐབ་ཡོདཔ་མ་ཚད།

ད་ལ་ཕར་ གྲོང་སྡེའི་ ས་ཆ་སྤྲོད་ལེན་རིམ་ལུགས་དེ་གི་ཡང་ ཁྲོམ་སྡེ་དང་གཅིག་མཚུངས་སྦེ་ ས་ཆ་སྤོ་

སོར་གྱི་བྱ་རིམ་ཚུ་ ཡོངས་འབྲེལ་ཐོག་ལས་འཐབ་ཚུགས།

རིམ་ལུགས་འདི་ཚུ་ ཡོངས་འབྲེལ་འཆར་སྒོ་་https://eskor.nlcs.gov.bt

ཐོག་ལས་ལག་ལེན་འཐབ་ཚུགས།

  

མཇུག་རང་།

ཡོངས་འབྲེལ་རིམ་ལུགས་ My NLCS

ཡོངས་འབྲེལ་རིམ་ལུགས་ MyNLCS ཟེར་ གཞི་བཙུགས་འབད་དགོ་མི་དེ་ཡང་ སྤྱིར་བཏང་ མི་སེར་གྱི་

ཞབས་ཏོགས་ཡར་དྲགས་བཏང་ཐབས་དང་ བརྡ་དོན་སྤྲོད་ལེན་ཚུ་་མགྱོགས་དྲགས་བཟོ་ཐབས་ དེ་ལས་ ཡིག་

ཆ་ཚུ་ཚུལ་མཐུན་གྱི་ཐོག་ལས་ འཛིན་སྐྱོང་ཐབས་ནིའི་དོན་ལུ་ཨིན།

རིམ་ལུགས་འདི་ཚུ་ ཡོངས་འབྲེལ་འཆར་སྒོ་་www.nlcs.gov.bt ཐོག་ལས་ལག་ལེན་འཐབ་ཚུགས།

ཁ་གསལ་གི་དོན་ལུ་ ཡིག་ཚང་གི་དུས་ཚོད་ཁར་ སྤྱོད་ཁྲལ་དགོངས་ཡངས་ཨང་ ༡༥༢༡ ཐོག་ལས་འབྲེལ་བ་འཐབ་གནང།

བཀྲིན་ཆེ།